Mesa tue, mesa deo

“A daghi legges custu già ti nde ries

Ca est giàru su sou significadu:
Chi oe treghentas sessantachimbe dies
Las as aggiùntas a s'annu passadu”.
De la serrare ti ses irmentigadu
Et como, mancari tue prus no bi sies,
La fino deo cun d'una cuartina noa,
Ca cun sa morte, m'as postu a sa proa.
“Cun saludu et cun dannu perunu
Oe annos nd'as cumpridu norantunu!”

Mattèu et Giuampedru Delogu

🆅Dal sito http:https://www.isresardegna.org/vocabolario-casu

Ries: ridi

Serrare: chiudere

Irmentigadu: dimenticato

Mancari: anche se

Sies: sia

Perunu: alcuno

A tiu Gavinu Marmillata

Geniòsu fit poetende tiu Gavinu,
Cun versos siguros et seberados,
In sa truma de poètes appretziàdos,
Mastru et ischente, sardu genuìnu.
Lassat fòglios, parentes ilvelados...
Lu piànghent puru sas biddas vicinu.
Sas Musas l'abbratzent in s'Elicona
Et galu 'àrdient sa sua pinna 'ona.

"Alas in bolu" no eppat timòria:
Già l'attoppamus in sa Santa Glòria.

🆅Dal sito http:https://www.isresardegna.org/vocabolario-casu

Geniòsu: grazioso, piacevole, simpatico

Seberados: scelti

Truma: moltitudine

Ischente: apprendista

Ilvelados: malinconici

'Ardient: custodiscano

Eppat: abbia

Attoppamus: raggiungiamo

A Salàpiu 'e Monte

Unu riu pàsidu ch'ischìat cantare
Anades, pisches et pedras de fundu;
Fit ponte chi permittìat de passare
In sentidos et boghes de su mundu;
Bentu chi, in mesu su trigu brundu,
Daìat alenu a sos ranos de triulare;
Dae Deus cundennadu a iscultare...
De sas peràulas unu vagabundu.

A tiu Salàpiu deo no lu connoschìa
Ma fentomadu est che mastru et poèta
Et tando, in custa istèrrida mia
Appo cantadu virtude completa
De chie bolat o chie iscrìet in poesìa,
De chie de sas rimas est su profeta.

🆅Dal sito http:https://www.isresardegna.org/vocabolario-casu

Pàsidu: calmo

Sentidos: sentimenti

Brundu: giallo, bronzeo

Daìat: dava

Alenu: fiato, respiro

Connoschìa: conoscevo

Fentomadu: nominato

Istèrrida: distesa

Ranos: chicci

Triulare: trebbiare

Bolat: vola

Iscrìet: scrive

Fèmina, mama et cristiàna

Pintada in chèja che angheledda,
Padrona-'e ràdios et televisiònes,
Paret sa reìna de tottu sos paònes,
Limbuda-et geniòsa che piberedda.
Si mustrat cristiàna che santighedda
ma est solu su cabu-'e sos carvones:
Atzesos no tardant a ti brujàre,
Mortos no istentant a t'imbruttare.

🆅Dal sito http:https://www.isresardegna.org/vocabolario-casu

Pintada: dipinta

Chèja: chiesa

Paònes: pavoni

Limbuda: linguacciuta

Geniòsa: grazioso, simpatico

Piberedda: piccola vipera

Santighedda: piccola santa

Cabu: capo

Carvones: carboni

Atzesos: accesi

Brujàre: bruciare

Mortos: morti, spenti

Istentant: tardano

Imbruttare: sporcare

Pro sos de "Regina Elena" in Osilo

Onore nd'appo de bos impannare,
A dae nanti 'ostru oe presentziènde.
Che paòne sa coa appo a mustrare
In mesu de sos decanos cantende.
Sas dies coladas tevides bantare,
Rier umpare a sas chi sunt benzende,
Ca sezis dulche fruttu de sa vida
Chi de sos fiòres prèmiat s'attrivida.

🆅Dal sito http:https://www.isresardegna.org/vocabolario-casu

Impannare: distrarre, divertire

Paòne: pavone

Coladas: superate

Tevides: dovete

Umpare: assieme

Benzende: venendo

Attrivida: ardimento

Cavalcada

Occ'ànnu Tàttari faghet sas ficcas:
Tottu-ismurriènde peri sas carrelas.
Nachi pìjant munneddas et bandelas
Cando passat su re-'e sas martinicas.
Finas sas àlveres si sunt già siccas;
Tottu mortas si nde sunt sas candelas.
A sa muda faghent sa Cavalcada
A daghi Savòia faghet bintrada.

Nachi setzit che turista in platèa:
Auguremus chi s'isfàsciet sa cadréa!

🆅Dal sito http:https://www.isresardegna.org/vocabolario-casu

Cavalcada: Cavalcata Sarda

Tàttari: Sassari

Ficcas: gesto volgare di disprezzo, di scongiuro

Ismurriènde: facendo delle smorfie

Peri: per

Carrelas: strade

Munneddas: gonne

Martinicas: scimmie

Cadrèa: sedia

Ges'occannu

 Pro Giuan Pedru Arzu, padrinu

Mira ite peràulas chi as tentu
Pro bantare su còju de nonnu tou.
So seguru, est bistadu cuntentu
Ca de sos versos ti ses postu in prou,
Sighende de s'erèntzia su talentu
Mustrende chi amus unu poèta nou.
S'atza de ti bi ponner già las tenta
Como mezus votos in conca-assenta.

Sighi a poetare, pensa et iscrìe,
Su donu già b'est, pone mente a mie.

🆅Dal sito http:https://www.isresardegna.org/vocabolario-casu

Ges'occannu: si dice quando si gusta una primizia per la prima volta nell'arco dell'anno. Si usa anche                            per  denotare la frequenza di una mancanza

Còju: matrimonio

Prou: prova

Erèntzia: stirpe

Atza: ardimento, coraggio

Assenta: sistema

44° richièsta

Accuntento su cabu comunale;
Pro nonnu et nonna acco' sa rima:
Est pro su cumprimentu de s'annale
De mesu sèculu guàsi in chima,
Iscambièndesi coros et istima,
Rispettu et amore passionale,
Ponent in mustra de Deus su signale
Donèndesi tottu: corpus, anìma.

Ischirrièmus sa paza da-e sos ranos
Et abbaidemus s'issoro modellu.
Deus bos mantenzat cuntentos et sanos
Sighende a pienare s'istarellu
Dae cando ambos duos fizis bajànos
Finas a su 'e chent'annos livellu

Beneìttos dae sos duos duttores santos
Et lende dae tottu basos et bantos.

🆅Dal sito http:https://www.isresardegna.org/vocabolario-casu

Nonnu: padrino
Nonna: madrina

Annale: anniversario

Ischirrièmus: separiamo

Paza: paglia

Ranos: chicchi

Abbaidemus: guardiamo

Istarellu: starello, unità di misura

Bajànos: giovani

Beneìttos: benedetti

Bantos: vanti

Galas

Sos pitzinnos currende in sa piàtza
Tottu-umpare che anzones abbamados
Da-e su notte-'e sa gala animados
Parent sirbones in sas dies de catza.
Pessighèndesi a s'istratza-istratza
Tottu suerados et iscaltzonados
Già ant tempus pro esser accabados,
Pro buffare de 'inu calchi tatza.

Galu tevent gustare sa pitzinnìa;
A mannos già si nd'ant a ammentare
De cando no aìant peruna-affannìa.
Cando oriòlos dant ite pensare
Sa conca-at a currer a sa bajanìa
Ma-atteros gustos ant aer pro festare...

Et dies de Paùlis o de sa Passèntzia
Las ant a viver fattu a s'erèntzia.

🆅Dal sito http:https://www.isresardegna.org/vocabolario-casu

Galas: feste

Abbamados: riuniti nel gregge

Sirbones: cinghiali

Pessighèndesi: inseguendosi

Istratza-istratza: straccia straccia

Suerados: sudati

Iscaltzonados: scomposti

Accabados: assennati, giudiziosi

Peruna: nessuna

Oriòlos: ossessioni

Bajanìa: giovinezza

Paùlis: festa paesana dedicata a S. Maria di Paùlis

Passèntzia: festa paesana dedicata a S. Maria della Pazienza

Abba cabidannita

Cun s'arvada sas barcas l'ant segada,
Chena pretender peruna vittòria,
Cun ebbìa sa justìscia antigòria
De ajuàre sa zente disgrasciàda
Et issa già lis at dadu sa glòria,
Frimmèndesi, pro su biàzu, pasada
Et at sonadu in mare s'ischìglia
Pro sa libertade de sa flottìglia!

🆅Dal sito http:https://www.isresardegna.org/vocabolario-casu

Cabidannita: settembrina, di settembre

Arvada: vomere

Ebbìa: soltanto

Antigòria: ancestrale, antica

Biàzu: viaggio

Pasada: calma

Ischìglia: campanella, campanaccio

Prommissa

Terra sicca, ricca de isperàntzia,
Dae sos ammentos oe iscarenada,
Chi at bidu undas de fea bundàntzia,
Isettat de abba sa carignada.
Sidida-'e fidùtzia, avvelenada,
Insuperbida-'e sarda elegàntzia,
Prommittit vida, mancari-in asciùttu,
Torrat paghe in su piùbere-alluttu.

🆅Dal sito http:https://www.isresardegna.org/vocabolario-casu

Ammentos: ricordi

Oe: oggi

Iscarenada: deformata; massacrata; scorticata

Carignada: accarezzamento

Avvelenada: amareggiata; avvelenata

Piùbere: polvere

Alluttu: ardente; avvampante

Crèschida

Cun sa lughe a palas, donzi cosa,
De su chi est, paret semper prus manna;
S'òmine tando est che mesa canna
Et sa vida est pagu ambitziòsa.
Bescit a pizu s'ànima-ispinosa
Cando passat de su nidu sa janna
Et su chi parìat innotzente, santu,
Lèat malìscia... finidu est s'incantu.