Sentidu

 Pro Michela, Giòrgia et Nicole

1.

Parìant abes isettende beranu,

Reos in cheja, a ojos a s'altare,

Tottu inìe pro ti lu saludare,

Pro ti dare un'istrinta de manu.

Pro su dolore no bastat pregare;

T'ant resu, ebbìa, cunfortu umanu,

Ca cussas oratziònes fint pro issu,

Pro chi donzi male li siat remissu.

2.

Pro te, ebbìa, affettu amus dadu,

Pro no ti lassare-inìe a sa sola,

Pro esser che filos de un'ispola,

Umpare pro s'ultimu infadu.

Pro Istèvene, babbu istimadu,

Làgrimas, cun sa biaìtta istola,

Nde at meda in sa chirca retzidu;

Pro ti mustrare su nostru sentidu.

Como Michela sias forte, corriàtta;

A Giòrgia et Nicole abbratzos et basos:

Chi appedas una vida de pasos,

Tott'umpare, poi de custa disfatta.

🆅 Dal sito http://vocabolariocasu.isresardegna.it/lemmi.php

Sentidu: sentimento.

Abes: api.

Beranu: primavera.

Reos: in piedi.

Ebbìa: soltanto.

Infadu: fastidio.

Biaìtta: livida, viola.

Chirca: questua.

Corriàtta: coriacea, testarda, cocciuta.

Pasos: tranquillità, paci.

Umpare: insieme.

Dal sito https://www.difesapopolo.it