Assimizu

Pares pro me, abberu, che-i sa luna:
Pares cussu isteddu gai perfettu
Chi-indeòrat tristas nottes tott'in d'una.
No balet, pro chie no at mai fortuna,
Pesaresinde chito da-e su lettu;
Et deo no nde aia mancu s'isettu
De-agattare filu pro sa mia cruna,
In tamas de li ponner gai affettu.

Sa luna movet, mancari siet mannu,
Su mare piènu 'e pisches, pesosu,
Brottat sos fiòres, bogat da-e s'affannu
Sos chi-andant in s'iscuru alevosu.
Et deo cun su tou fogu ardurosu
Mi cherzo brujare, chentza ingannu,

Ca su sole no podent abbaidare
Sos poètes chi faghes innamorare.

🆅 Dal sito http://vocabolariocasu.isresardegna.it/lemmi.php

Assimizu: somiglianza.

Isteddu: stella.

Indeòrat: indora.

Pesaresinde: alzarsi.

Chito: presto.

Isettu: attesa, aspettativa.

Agattare: trovare.

In tamas: non solo.

Pisches: pesci.

Pesosu: pesante.

Brottat: germoglia.

Bogat: toglie.

Iscuru: scuro, buio.

Alevosu: sleale, traditore.

Fogu: fuoco.

Ardurosu: ardente.

Brujare: bruciare.

Abbaidare: guardare.

https://www.sardegnaturismo.it/it/usciamo-riveder-le-stelle

La Luna dal nuraghe Su Mulinu - Villanovafranca.