Nende de te

1.
Nende de te, est doverosu narrer
De cando no t'idìa a costazu meu,
Est a narrer, chi no aìa su recrèu
D'àer affaccu-amore et no lu pàrrer.
Si puru già si l'ischìat da-e tempus, Deu'
Aìat remunidu su tou cumparrer,
Pro fagher a mie un'improvvisada
Et de preséntzia tua-àer tarda gosada.

2.
Nende de te, no potto-ismentigare
De sa ‘olta chi t'appo cunsizadu
Su chi tevisti in lista votare,
De sas cantones chi m'ant ammajadu,
De cando lettos faghimis umpare
Et de nois sentidu fit riservadu,
Finas cando m'as aeradu sa mente
Et de amore torro cunsentziénte.

3.
Nende de te, grascias cunsagro, ebbìa,
A sos montes, ca ti dant sa rezìda
A sos bentos, ca ti donant sa biadìa
Sas venas, ca no ti lassant sidida
Sos piànos, ch'isolvent de ojos gabbìa
Et sos mannos tuos chi t'ant dadu vida.
In eternu m'at a esser dàbbile
Àer accaru de s'indispensàbile.

🆅 Dal sito http://vocabolariocasu.isresardegna.it/lemmi.php

Costazu: costato, fianco, lato; accanto; anche per parete, fianco, lato dei recipienti.

Recréu: sollievo, sollazzo, godimento.

Pàrrere: sembrare, apparire.

Remunidu: riporre, conservare, rinchiudere, nascondere. Anche ritirare.

Gosada: l’azione di godere, godimento.

Ismentigare: dimenticare.

Ammajadu: incantato, affatturato; anche addormentato profondamente.

Aeradu: stravolto da passione violenta, da furore, indiavolato; anche  rassomigliato, ravvisato. 

Biadìa: o biadesa, felicità, contentezza, fortuna; beatitudine, felicità eterna.

Dàbbile: possibile, probabile, facile.

Aer accaru: ringraziare, dir grazie.

©suigante.

Deo et Sìlvia Carboni, sa cumpagna mia de vida.