Diàulas

Pro sas majalzas sardas:

Jùlia Carta (de Sìligo), Lughìa Pitzolu (de Aristanis),Caderina Escofela (de Cùglieri), Marchesa Pala (de Càgliari), Serrampiòna Manna et Busciàna Sanna (de s'Alighera), Marìa de carrela ‘e funtana (de Uri) et a tottu sas àtteras chi no ant tentu sa fortuna de esser famadas.

01.
Sa terra sarda-est mama misteriòsa.
Da-e cando sa luna s'est ispijada
In su nostru mare, che una diòsa,
Da-e ritos et lezes est regulada.
Sabiésa dòminat natura-ermosa
Chi-in sas deas mamas est bene-ammagada.
Coccos, carres, sàmbene de femìnas
Deris fint créttidas malas amìnas.

02.
Cogas, brùscias, majalza'-avverbadoras
Bastaìat de narrer pro sa cundanna.
De rezettas, fortilesas criadoras,
Fint gai timidas, che dildìcia manna,
Chi da-e sas biddas bistaìant a foras,
Ma a bisonzu lis abberìant janna.
Issas iscultaìant sas pedras, s'abba,
Puru a sas vidas daìant agabba.
 
03.
Fint fizas de sas mannas mastras janas:
Galu vivent, in ecos de leggendas.
De àtteros mundos fint a lacànas
Et daìant vida insoro pro prendas.
Inquisitziòne nd'at fattu bardanas
Et pagas sunt sas chi amus che siéndas.
Bisonzat chi nde arribemus s'energìa,
Pro la mantenner galu comente ghìa.

🆅 Dal sito http://vocabolariocasu.isresardegna.it/lemmi.php
Ispijadas: specchiate.
Diòsa: dea.
Sabiesa: saggezza.
Ermosa: bella, graziosa; anche fidanzata.
Ammagada: nascosta, rannicchiata.
Coccos: amuleti a forma di uovo. Messi sotto i vestiti come pendagli, fungono come protezioni contro il malocchio. Si dice che se il malocchio è troppo forte, su coccu si potrebbe spezzare in due parti uguali, ma alla persona che lo ha con sé non succederebbe nulla.
Rezettas: ricette; ricette mediche; anche santini. Anche sacchetti di tela contenenti preghiere o parole magiche, scritte su di un foglio di carta, avvolto insieme ad altre cosettine ritenute portafortuna.
Aminas: o animas, anime.
Cogas: o brùscias, o majalzas, o avverbadoras, streghe, fattucchiere, maghe, donnacce, donne brutte e perverse.
Fortilesas: fortezze, forze; anche cinto erniario usato dagli antichi; anche cinte esoteriche.
Dildìcia: sventura, infelicità.
Agabba: o agabbu, fine, termine.
Janas: fate.
Làcana: confine, termine.
Prendas: pegni; anche oggetti preziosi, gioielli, cose rare.
Bardanas: rapine, razzie; anche greggi.
Siènda: ricchezza, beni, tesoro.
Arribemus: conserviamo, custodiamo.
Ghia: guida, condottiero.

©suigante.
Dall'archivio del Centro Culturale "Su 'Igante"
Antoni Sìmula et Antoni Biddàu