In onore de sa famìlia de Antoni P.

Pro tottu

Oe in conca già tenzo pensamentu
De donzi-'olta chi mi so lamentadu
Pro su tribàgliu, pro calchi traimentu,
Pro faìnas chi m'ant tempus impignadu.
Cantu fele, cun coro, m'appo leadu,
Cantu fastizu tentu-in su mamentu.
Deris, pensende-a cussu piulamentu
Già mi nde so abberu irgonzadu.

Sa disgràscia mala in cussa domo
S'est sètzida de sa janna affaccu.
A daghi bi passo l'abbàido como
Et ingrùscio sa conca, che vigliàccu.
Sos ammonimentos de mementomo
In sa mente m'ant lassadu intaccu

"Tzocchemus tottu in cussu portale
Daghi sa vida paret ch'andet male!".

🆅 Dal sito http://vocabolariocasu.isresardegna.it/lemmi.php

Conca: testa, mente.

Tribàgliu: lavoro.

Traimentu: tradimento.

Faìnas: faccende, affari, lavori.

Fele: rabbia.

Piulamentu: pigolìo, lamento.

Irgonzadu: vergognato.

Sètzida: seduta.

Affaccu: accanto, a fianco.

Abbàido: guardo, osservo.

Ingrùscio: abbasso, inchino.

Mementomo: predica di ammonimento durante un funerale.

Intaccu: intaccatura, scalfitura.

Tzocchemus: bussiamo.

Per Antonio, zio Franco, Michele e Giacomo.