A bolu

Battorinas bettadas in Facebook, in risposta a àtteros poètes

Antoni Pascale Mereu

A la cantamus una bucch'istrìglia:
A Draghi, chi s’allùat che luminu,
Chi hacat su brincu ‘e Borsellinu,
Issu chin tottu sa famìglia.
Goi ti canto custa bucch'istrìglia.

Giuampedru Delogu
Povera offensiva bucch'istrìglia,
Cantada pro augurare malos cras.
Si ses poète sèriu, peràulas già nd’as
Pro cantare-‘e polìticos puntìglia.
Gai s’isterret una bucch'istrìglia.

Antoni Pascale Mereu
A la cantamos una paesana:
Ca tenes tottu sa rejone;
Ma su polìticu est unu buffone
Chi nos rendet sa vida male sana.
Goi ti canto custa paesana.

Giuampedru Delogu
Tando già ti canto custa paesana,
Pro narrer: rimas chi como as fattu
M’aggradant prus de su feu abbasattu
Ch’as fentomadu cun paga campiàna.
Et t’appo cantadu una paesana.

 

Tiu Pera

A la cantamus una battorina

Cun tristura, dolu et annèu;

Pro Elisabetta cantamus a tedèu

Onorande su tronu de Reìna.

Tando cantamus una battorina.

 

Giuampedru Delogu

A la cantamus una battorina:

Cando morit personazu potente

Già mi torrat giàju meu a sa mente;

Pro campare s'at truncadu s'ischina!

Cantadu appo una battorina.

 

Giuanne Lai

Como cantamus una battorina.

Sa notìscia de Giuànne afferra:

Chi posta s'est in luttu s'Inghilterra

Ca est morta inìe sa Regina.

A sa glòria cun sa battorina.

 

Giuampedru Delogu

A la cantamus una paesana:

De issa mezus che nd'amus faladu.

Finzas chi abberit s'oju tancadu,

Donzi persone chi adduret sana;

Et como b'est puru custa paesana.

 

Paolu Curreli

A la cantamus una paesana:

Daghi sa Reina si ch'est andada,

Pro tottus gai sa vida siat colada

Uguale a sa e sa sovrana.

Goi si cantat una paesana.

 

Giuampedru Delogu

A la cantamus una bucch'istriglia

Pro sa pigada sua a su Divinu.

Chissà chi lasset calchi cappellinu

A pili canos de reale famiglia;

Gai si cantat una bucch'istriglia.

Ettore Sanna

Tando cantamos una battorina:

Custos ladros politicantes

Como sunu in chirca de votantes

Pro si mantènnere s 'insoro poltroncina.

Goi cantamos una battorina.

Giuampedru Delogu

Tando cantamus una battorina:

Si sunt sètzidos, sa culpa est nostra;

Pro pagos litros de latte-et colostra

Lis amus dadu porcos et cherina.

Gai si cantat una battorina.

Ettore Sanna

Tando cantamus una bucch'istriglia:

Proìte su votu mi domandas?

Bies chi m'as lassadu in mudandas?

A malapena campo sa famìglia!

Goi cantamus una bucch'istriglia.

Giuampedru Delogu

A la cantamus una bucch'istrìglia;

Su votu pro custu est importante:

Pro nos che catzare calchi birbante

Et a sos àtteros ponner sa briglia.

Gai già si cantat una bucch'istrìglia.

🆅 Dal sito http://vocabolariocasu.isresardegna.it/lemmi.php

Bolu: volo.

Battorinas: quartine, strofe di quattro endecasillabi, a rima alternata.

Bettadas: gettare, buttare, lanciare.

Bucch'istriglia: striglia da bocca.

Allùat: accenda.

Lumminu: fiammifero.

Brincu: salto.

Cras: domani.

Peràulas: parole.

Isterret: stende, spiega.

Aggradant: piacciono.

Abbasattu: strage, scempio, maltrattamento.

Fentomadu: nominato, menzionato, ricordato.

Campiàna: attenzione.

Annèu: tristezza; anche fastidio, noia.

Pili canos: dai capelli bianchi.

Giaju: nonno.

Ischina: schiena.

Adduret: fermi, resti.

Daghi: dacché,  giacché, da quando.

Cherina: porcile. 

Sorrasta: cugina.

©suigante.

Dall'archivio del Centro Culturale "Su 'Igante"

Domìniga Dettori (sorrasta mia) et a palas, Marìa Madalena Vàrgiu (mama).