Prommissa

Sos duos annos sunt, a oe, barigados,
Ma, galu, vida-umpare nos est franta;
In duos annos, nos semus abbelados
Et de tribàgliu sighimus s’andanta.
De beranos nd’amus prus de baranta:
Lùrumos de pitzinnìa sunt isvoligados,
Ma-at postu raighinas sa nostra pianta,
Sos cras los amus inghindulados.

In su nostru telalzu de sa vida,
Nois, ebbìa, amus a-esser tessidores:
L’amus a dare manna abbellida,
Obréndela, umpare, de colores,
De isteddos at a esser bestida
De nòos et cotidiànos ajubbores.

🆅 Dal sito http://vocabolariocasu.isresardegna.it/lemmi.php

Barigados: passati, superati.

Galu: ancora.

Franta: allontanata, separata.

Abbelados: incantati.

Tribàgliu: lavoro.

Andanta: andatura.

Beranos: primavere.

Lùrumos: gomitoli.

Pitzinnìa: giovinezza.

Isvoligados: slegati, sciolti.

Raighinas: radici.

Cras: domani.

Inghindulados: ordinati, avvolti nell'arcolaio.

Telalzu: telaio.

Obrèndela: ricamandola.

Umpare: insieme.

Isteddos: stelle.

Nòos: nuovi.

Ajubbores: gioie intense, giubili.

©suigante.

Deo et Sìlvia Carboni, sa cumpagna mia de vida.