Sorres crìpticas

Pro cuddas bajanas (forsis)

1.
Candomài no aìant muntonarzos
Pro che imbolare cussas candrajas
O istrumàrelas peri-arenarzos,
Ligadas forte cun sas furtinajas,
Ca sos passos chi ponent sunt dannarzos:
Su notte, las timìant finas sas giàjas.
Che diàulas, tenent una limba mala:
Si sunt attoghende, s’abba li-agguàla.

2.
Oe mi tundo sa lana Saccajina
Et bos la bendo a preju barattu;
Pro una pira, cotta-o camujina,
Bos do tottu, su Babbài arvi-fattu,
Sa mama Affenada, sas de trijina
Chi in cussa Arzola faghent bistrattu:
Ant cattigadu sa Margaritina,
No ant preju, sunt siccas da-e raighina.

3.
Sa ‘e Zuseppe, s’Amàbile puru,
Sunt sorres de latte, sorres de titta;
Cussa Doa et Ines, pro pagu giùru
Bos las do, et pro una aguzitta,
Tottu che las leàdes (so colzi-duru),
Bastat chi, pro Deus, da-e pes et cabitta
Mi che las boghedes, et su bonu proe
Bos naro pro annos, partende da-e oe.

🆅 Dal sito http://vocabolariocasu.isresardegna.it/lemmi.php

Sorres: sorelle.

Bajanas: ragazza, vergine, nubile.

Muntonarzos: mondezzaio, letamaio.

Candrajas: noie, fastidi, molestie.

Istrumàrelas: abortirle; distruggerle, sterminarle.

Arenarzos: terreni sabbiosi.

Furtinajas: carote selvatiche.

Dannarzos: che fanno danni; maldestri.

Giàjas: nonne.

Attoghende: annegando, affogando.

Agguàla: uguaglia, parifica.

Saccajina: agnella di un anno.

Barattu: di poco prezzo.

Camujina: varietà di pera.

Babbài: prete, signore, parente che ha studiato.

Arvi - fattu: dalla barba corta, ben curata.

Affènada: che ha ricevuto il fieno.

Trijina: diceria, chiacchiera, pettegolezzo.

Arzola: aia; anche trebbiatura, raccolta.

Bistrattu: maltrattamento, guasto, rovina.

Cattigadu: pigiato; schiacciato, compresso, calpestato; anche abbattuto, annientato.

Raighina: radice.

Titta: mammella.

Doa: doga; striscia di terreno che si brucia in precedenza per impedire la propagazione dell’incendio

Giuru: appio palustre, sedano selvatico.

Aguzitta: piccola spilla.

Colzi - duru: dalla scorza dura, dal cuoio duro.

Cabitta: capo del letto.

Boghedes: togliate.

Proe: pro, giovamento, vantaggio.

©suigante.

Dall'archivio del Centro Culturale "Su 'Igante"

Annamarìa Puledda, cun su maridu mastru Antoni Moliàni et Cristina Cabéccia